कुमारी बैंक र इसेवाबीच इजी लोन सुविधा प्रदान गर्ने सम्झौता
काठमाडौं। कुमारी बैंक लिमिटेड र इसेवाबीच इसेवाका ग्राहकलाई इसेवा मोबाइल एप मार्फत इजी लोन सुविधा प्रदान गर्ने सम्झौता भएको छ।
कुमारी बैंकसँगको सम्झौतामा इसेवाले आफ्ना इसेवा एजेन्टहरूलाई व्यवसाय वृद्धिको लागि बिना कुनै धितो, कागजी प्रक्रिया वा लामो झन्झट रहित क्षण भरमै रु २ लाखसम्मको डिजिटल कर्जा सजिलै प्रदान गर्नेछ।
पहिलो चरणमा इसेवा एजेन्टहरूलाई मात्र यो इजी लोन सेवा उपलब्ध गराउने भनिएकोमा भविष्यमा चाँडै सम्पूर्ण प्रयोगकर्ताहरुको लागि उपलब्ध गराईने इसेवाले जनाएको छ। इसेवा मार्फत लिइने इजी लोन सुविधामा लागू हुने थप सर्तहरुबारे इसेवाको वोबसाईटरएप मार्फत जानकारी लिन सकिने जनाएको छ।
विगत २३ वर्ष देखि निरन्तर बैंकिङ्ग सेवा दिँदै आएको कुमारी बैंकले आफ्ना देशभर रहेका ३०२ शाखा सञ्जाल, ३१४ एटिएम, ५० एक्सटेन्सन काउन्टर तथा ५९ शाखा रहित बैंकिङ्ग ईकाईहरु मार्फत आफ्ना ग्राहकवर्गलाई अत्याधुनिक तथा प्रभावकारी सेवाहरु प्रदान गर्दै आइरहेको छ र आगामी दिनहरुमा पनि अझ सरल, सुलभ तथा उत्कृष्ट सेवाका निमित्त सहकार्यहरु गर्दै जाने प्रतिबद्धता जनाएको छ।