काँग्रेसबाट निर्वाचित वडा अध्यक्ष रामबहादुरले सडकमै मदिराको भेल बगाउँदै जन्म दिन मनाएपछि…?
ललितपुर। देशमा बेरोजगार र आर्थिक सकंंटका कारण जनताहरु भोकभोकै मरिरहेको अबस्थामा तिनै जनताबाट उठाएको करको दुरुपयोग गर्दै ललितपुरका एक वडा अध्यक्षले आफ्नो जन्म दिन मनाएका छन।
ललितपुर जिल्ला बागमती गाउँपालिका वडा नम्बर -२ माल्टाका वडा अध्यक्ष राम बहादुर भोलोन तामाङले हिजो बुधबार माल्टा स्थित बगुवा खोलाको बगरमा मदिरा र बियरको खोला बगाउँदै आफ्नो जन्मदिन मनाएका हुन।
गत निर्वाचनमा नेपाली काङ्ग्रेसबाट उम्मेदवारी दिई वडा अध्यक्षमा निर्वाचित भएका भोलोनले जनताको करलाई मामाको धनमा फुपुको श्राद्द भन्ने उक्तिलाई चरितार्थ गरिदिएका छन्।
स्थानीय आफ्ना आसेपासे कार्यकर्ता र टोलेगुण्डाहरुलाई कार्टुनका कार्टुन बियर र मदिराले झुमाउँदै उनले आफ्नो जन्मदिन मनाएको भिडियोमा स्पस्ट देख्न सकिन्छ।
वडा अध्यक्ष राम बहादुर भोलोन तामाङले गत निर्वाचनमा पनि मनि,मसल्स र पावरको भरपुर उपयोग गर्दै निर्वाचन जित्न सफल भएका उनी निकट स्राेत बताउँछ।