महोत्तरीमा जलाएर हत्या गरेको अवस्थामा युवतीको शव फेला
काठमाडौं । महोत्तरीको पिपरामा हत्या गरेको अवस्थामा एक युवतीको शव फेला परेको छ।
भारतसँग सीमा जोडिएको पिपरा गाउँपालिका–७, दनौलीमा अनुहार जलाइएको अवस्थामा झण्डै २५ वर्षीया युवतीको शव फेला परेको हो।
जिल्ला प्रहरी कार्यालय महोत्तरीका डीएसपी सन्तुलाल जैसवालले सोमबार दिउँसो आँप बगैँचामा अनुहार जलेको अवस्थामा शव भेटिएको र हालसम्म सनाखत हुन नसकेको जानकारी दिए ।
कालो लेहँगा र हल्का पहेँलो रङको कुर्था लगाएकी युवतीको शव आँप बगैँचाको आलीमा भेटिएको उनले बताए ।
स्टमार्टमका लागि शव प्रादेशिक अस्पताल जलेश्वरमा राखिएको छ । युवतीको हत्या भएको आशंका प्रहरीले सूक्ष्म अनुसन्धान अघि बढाएको जनाएको छ।