हङकङ सिक्सेसमा युएईसँग हार्यो नेपाल

काठमाडौं । हङकङ सिक्सेसमा नेपाल युएईसँग पराजित भएको छ । प्लेट सेमिफाइनलमा नेपाल युएईसँग ५ विकेटले पराजित भएको हो ।

त्यसअघि टस हारेर पहिले ब्याटिङ गरेको नेपालले निर्धारित ६ ओभरमा ३ विकेट गुमाएर युएईलाई जितका लागि ९४ रनको लक्ष्य दिएको थियो ।

जवाफमा ९५ रनको लक्ष्य युएईले ५।२ ओभरमा १ विकेट गुमाएर पूरा गर्यो । युएईका लागि आसिफ खानले १५ बलमा ३ चौका र ७ छक्काको सहयोगमा नट आउट ५५ रन जोडे ।

खालिद शाहले ७ बलमा १५ रन जोडे।नेपालका लागि राशिद खानले १ विकेट लिए।

नेपालका लागि विवेक यादवले १६ बलमा ३ चौका र ५ छक्काको सहयोगमा नट आउट ४९ रन जोडे।

लोकेश बमले १० बलमा १९, प्रतिश जिशीले ४ बलमा १४ तथा कप्तान सन्दीप जोराले ४ बलमा ७ रन बनाए। युएईका लागि आकिफ राजाले २ तथा सचिंत शर्माले १ विकेट लिए।