मुस्ताङमा जुवा खालबाट साढे ८ लाखसहित १२ जना पक्राउ
काठमाडौं । मुस्ताङमा साढे ८ लाख नगदसहित १२ जना जुवाडे पक्राउ परेका छन् । आइतबार राति घरपझोङ गाउँपालिका–२ मार्फास्थित फिरोज लालचनको माउन्ट भिल्ला एण्ड रेष्टुरेन्टबाट तास खेलिरहेको अवस्थामा उनीहरुलाई नियन्त्रणमा लिइएको प्रहरीले जनाएको छ ।
पक्राउ पर्नेहरुमा सुरज लालचन, राजु लालचन, जेम्स हिराचन, गुन्ज हिराचन, दल बहादुर हिराचन, विश्व लालचन, आईत ज्वारचन, समीर ज्वारचन, कविन ज्वारचन, याम प्रसाद मगर, सन्तोष लालचन, कमल हिराचन रहेका छन् ।
उनीहरूको साथबाट ८ लाख ५२ हजार ८०० नगदसहित ८ बुक तास समेत बरामद गरिएको प्रहरीले जनाएको छ ।
पक्राउ परेकाहरूलाई मंगलबार म्याद थप गरेर थप अनुसन्धान गरिने जिल्ल्ला प्रहरी कार्यालय मुस्ताङका सूचना अधिकारी गणेश सुवेदीले जानकारी दिए।