घट्यो सुनचाँदीको मूल्य, कतिमा हुँदैछ कारोबार?
काठमाडौं । नेपाली बजारमा आज (मंगलबार)सुनको मूल्य घटेको छ । तिहार पछिको पहिलो कारोबारको दिन आज छापावाल सुनको मूल्य प्रतितोला २ हजार ८०० रुपैयाँ घटेको हो ।
आज सुन तोलामा १ लाख ६८ हजार २०० रुपैयाँ कायम भएको नेपाल सुनचाँदी व्यवसायी महासंघले जनाएको छ ।
तिहार अघिको कारोबार अर्थात् कात्तिक १५ गते सुनको मूल्य तोलामा १ लाख ७१ हजार रुपैयाँ पुगेको थियो। जुन मूल्य हालसम्मकै उच्च हो ।
यस्तै आज चाँदीको मूल्य पनि घटेको छ । कात्तिक १५ गते तोलामा २ हजार ९० रुपैयाँ कायम भएको चाँदीको मूल्य मंगलबार घटेर २ हजार ३० रुपैयाँ कायम भएको महासंघले जनाएको छ।