एकैदिन सुनको मूल्यमा भारी गिरावट
काठमाडौं। नेपाली बजारमा एकैदिन सुनको मूल्य तोलामा ४ हजार रुपैयाँ घटेको छ।
नेपाल सुनचाँदी व्यवसायी महासंघका अनुसार अघिल्लो दिन तोलामा १ लाख ६८ हजार ५०० रुपैयाँमा कारोबार भएको छापावाल सुनको मूल्य बिहीबार ४ हजार रुपैयाँ घटेर तोलामा १ लाख ६४ हजार ५०० रुपैयाँ कायम भएको हो।
यस्तै बिहीबार चाँदीको मूल्य पनि घटेको छ। अघिल्लो दिन तोलामा २ हजार १५ रुपैयाँमा कारोबार भएको चाँदीको मूल्य बिहीबार घटेर तोलामा १ हजार ९६० रुपैयाँ कायम भएको हो।