फोर्स गाडी दुर्घटना: मृत्यु हुनेको संख्या ४ पुग्यो, २६ घाइते
काठमाडौं । दैलेखबाट सुर्खेत जाँदै गरेको फोर्स गाडी दुर्घटना हुँदा ४ जनाको मृत्यु भएको छ भने २६ घाइते भएका छन्।
जिल्ला प्रहरी कार्यालय सुर्खेतका प्रहरी प्रमुख रुपेश खड्काका अनुसार सुर्खेतको वीरेन्द्रनगर नगरपालिका-१४ रातानाङ्लामा कर्णाली प्रदेश ००१ ख ९९८ नम्बरको फोर्स गाडी शुक्रबार दिउँसो २ः२० बजे दुर्घटना भएको हो।
दुर्घटनाबाट ३० जनालाई उद्धार गरेर अस्पताल पठाइएकोमा चार जनाको मृत्यु भएको चिकित्सकहरूले घोषणा गरेको खड्काले जानकारी दिए। अन्य घाइतेको सुर्खेतस्थित कर्णाली प्रादेशिक अस्पतालमा उपचार भइरहेको छ।