कारागारबाट सुरूङ खनेर भागेका यादवलाई गोली चलाएर प्रहरीले लियो नियन्त्रणमा
काठमाडौं । सिन्धुपाल्चोक कारागारबाट भागेका एक जना व्यक्तिलाई प्रहरीले पक्राउ गरेको छ। कारागारबाट भागेका विनायककुमार यादवलाई प्रहरीले पक्राउ गरेको हो।
प्रहरीका अनुसार उनलाई बिहीबार राति सुनसरीको कोशी गाउँपालिका-८ पथरचट्टानबाट पक्राउ गरिएको हो। छठ मनाउन विहार हुँदै नेपाल आउँदै गरेको सूचनाको आधारमा प्रहरीले उनलाई पक्राउ गरेको हो।
यादव भागेपछि प्रहरीले एक राउण्ड गोली चलाएको थियो। यादवलाई भने गोली लागेको छैन। यादव कर्तव्य ज्यान तथा हातहतियार खरखजाना मुद्दामा जिल्ला अदालत सुनसरीबाट अपराधी ठहर भएका थिए।
प्रहरीका अनुसार झुम्का कारागारमा रहँदा यादव २०६९ कात्तिक २३ गते सुरूङ खनेर भागेका थिए।