टी–२० विश्वकप एशिया छनोट: नेपालले आज कुवेतसँग खेल्दै
काठमाडौं। आईसीसी १९ वर्ष मूनीको महिला टी–२० विश्वकप एशिया छनोटमा नेपालले आज कुवेतसँग खेल्दैछ।
यूएईको सेभेन्स स्टेडियममा खेल नेपाली समय अनुसार आज बिहान सवा ११ बजे शुरु हुनेछ।
यसअघि अस्ति आइतवार भएको खेलमा नेपालले थाइल्यान्डलाई एक सय ६ रनले पराजित गरेको थियो भने पहिलो खेलमा ६७ रनले हराएको थियो। अर्को खेलमा कुवेतलाई एक सय आठ रनले हराएको थियो।
नेपालले अन्तिम खेल भोलि बुधवार यूएईसँग खेल्नेछ। यसअघि नेपाल युएईसँग १३ रनले पराजित भएको थियो।
प्रतियोगितामा नेपालसहित घरेलु टोली यूएई, थाइल्यान्ड र कुवेत सहभागी छन्।
सहभागी चार टोलीमध्ये शीर्ष स्थानमा आउने टोली आईसीसी १९ वर्ष मूनीको महिला टी–२० विश्वकपका लागि छनोट हुनेछ।