घट्यो सुनचाँदीको मूल्य, कतिमा हुँदैछ कारोबार?
काठमाडौं। आज सुन र चाँदी दुवैको मूल्य घटेको छ। मंगलबार सुन प्रतितोला दुई हजार ४०० रुपैयाँ र चाँदी तोलामा ३० रुपैयाँले घटेको हो ।
नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख ६२ हजार ६०० रुपैयाँमा कारोबार भइरहेको छ । अघिल्लो दिन यस्तो मूल्य १ लाख ६५ हजार रुपैयाँ थियो।
त्यस्तै, चाँदी प्रतितोला ३० रुपैयाँले घटेको छ। आजका लागि चाँदीको मूल्य प्रतितोला १ हजार ९२५ रुपैयाँ तोकिएको छ। सोमबार चाँदीको मूल्य प्रतितोला १ हजार ९५५ रुपैयाँ थियो।
पछिल्लो तीन दिनदेखि सुनको भाउ निरन्तर घट्दै गइरहेको छ। अमेरिकी डलर बलियो बन्दै गर्दा पछिल्ला केही दिनदेखि सुनको भाउमा गिरावट आएको हो।