विश्वकपमा छनोट यू-१९ महिला क्रिकेट टोलीलाई जनही साढे २ लाख दिने क्यानकाे निर्णय
काठमाडौं। सन् २०२५ मा मलेशियामा हुने आईसीसी यू–१९ महिला टी–२० विश्वकपमा छानिन सफल भएको नेपाली यू–१९ महिला क्रिकेट टोलीकाखेलाडीलाई नेपाल क्रिकेट संघ (क्यान)ले नगद पुरस्कार दिने भएको छ।
क्यानले नेपाली यू–१९ महिला टोलीका खेलाडीहरुलाई जनही २ लाख ५० हजार रुपैयाँ नगद पुरस्कार दिने घोषणा गरेको छ।
क्यानका प्रवक्ता छुम्बी लामाका अनुसार टोलीका प्रत्येक खेलाडीलाई जनही २ लाख ५० हजार रुपैयाँ नगदसहित सम्मान गरिनेछ।
टोलीका अफिसियलहरुलाई जनही १ लाख ५० हजार रुपैयाँ नगद दिइनेछ ।
हिजो (बुधवार) यूएईलाई उसकै घरेलु मैदानमा पराजित गर्दै नेपाल सन् २०२५ को जनवरीमा मलेशियामा हुने आईसीसी महिला यू–१९टी–२० विश्वकपमा छनोट भएको थियो। नेपाली यू–१९ महिला क्रिकेट टोली आज स्वदेश आइपुग्दै छ।