ट्याक्टरको ठक्करबाट बुबाको मृत्यु, २ छोरा घाइते
काठमाडौं । उदयपुरको त्रियुगामा मोटरसाइकल दुर्घटना हुँदा बुबाको मृत्यु भएको छ भने छोराहरु घाइते भएका छन्। बुधबार साँझ त्रियुगा नगरपालिका १३ मा पर्ने दनुवारी चोकमा विपरित दिशाबाट आउँदै गरेको स १ त ५७४२ नम्बरको ट्याक्टरसँग प्र १–०५–००१ प ४२७३ नम्बरको मोटरसाइकल ठक्कर खाँदा सोही स्थानका ४५ वर्षीय महादेव चौधरीको मृत्यु भएको हो।
दुई छोरालाई मोटरसाइकलको पछाडि राखेर गाईघाटबाट घर जाँदै गर्दा उनी दुर्घटनामा परेका हुन्। तीव्र गतिको कारण दुर्घटना भएको हुनसक्ने प्रहरीले जनाएको छ।
उनका छोराहरु १५ वर्षीय दिवाकर चौधरी र १० वर्षीय कृष्ण चौधरी भने घाइते भएका छन्। उनीहरुलाई थप उपचारका लागि विराटनगर पठाइएको जिल्ला प्रहरी कार्यालय उदयपुरका डीएसपी राजन चापागाईंले जानकारी दिए।
दुर्घटनापछि ट्याक्टर चालकलाई प्रहरीले नियन्त्रणमा लिएको छ। मृतकको शव पोष्टमार्टमका लागि जिल्ला अस्पताको शवगृहमा राखिएको छ।