सुनको मूल्य एकैदिन तोलामा झन्डै १६ हजार घट्यो,कतिमा हुँदैछ कारोबार?
काठमाडौं । नेपाली बजारमा आज(सोमबार) सुनको मूल्य एकैदिन तोलामा झन्डै १६ हजार रुपैयाँले घटेको छ । नेपाल सुनचाँदी व्यवसायी महासंघका अनुसार आज सुनको मूल्य प्रतितोला १५ हजार ९०० रुपैयाँले घटेको हो ।
हिजो (आइतबार)एक लाख ६७ हजार २०० रुपैयाँमा कारोबार भएको सुन आज प्रतितोला एक लाख ५१ हजार ३०० रुपैयाँ कायम भएको हो ।
त्यस्तै आज चाँदीको मूल्य पनि तोलामा ११५ रुपैयाँले घटेको छ। आइतबार १ हजार ९६० रुपैयाँ कायम भएको चाँदी आज प्रतितोला एक हजार ८४५ रुपैयाँ कारोबार भइरहेको महासंघले जनाएको छ ।
अर्थ मन्त्रालयले भन्सारदर घटाएर १० प्रतिशत कायम गरेसँगै सुनचाँदीको मूल्यमा उच्च गिरावट आएको हो।