सुदूरपश्चिम क्षेत्रको भ्रमणमा निस्कँदै पूर्वराजा ज्ञानेन्द्र शाह
काठमाडौं । पूर्वराजा ज्ञानेन्द्र शाह आगामी हप्ता मध्यपश्चिम एवं सुदूरपश्चिम क्षेत्रको भ्रमणमा निस्कने भएका छन् ।
पूर्वराजाको सम्वाद सचिवालयले जनाएअनुसार कोमल शाहको साथ ज्ञानेन्द्र मध्यपश्चिम एवं सुदूरपश्चिम क्षेत्रको केही जिल्लाहरूको भ्रमणको सिलसिलामा आगामी हप्ता नेपालगन्ज जाने कार्यतालिका छ ।
भ्रमणको क्रममा विभिन्न शक्तिपीठको दर्शन गर्नुका साथै स्थानीयसँग छलफलको कार्यक्रम तय भएको उनको सचिवालयले एक सूचनामार्फत जानकारी दिएको छ ।