जनकपुरविरूद्ध पहिले ब्याटिङ गर्दै सुदूरपश्चिम
काठमाडौं। सिद्धार्थ बैंक नेपाल प्रिमियर लिग (एनपिएल) मा बुधबारको पहिलो खेलमा जनकपुर बोल्ट्सले टस जितेको छ।कीर्तिपुरस्थित त्रिवि मैदानमा टस जितेको जनकपुरले फिल्डिङ रोजेपछि सुदूरपश्चिमले पहिले ब्याटिङ गर्नेछ।
सुरुवाती चार खेलमा जनकपुरले चारै खेलमा जित निकालेको छ भने अंक तालिकाको शीर्ष स्थानमा छ।
सुदुरपश्चिम भने चार मध्ये तीन खेलमा विजयी भएको छ। सुरुवाती तीन खेलमा विजयी भएको सुदूरपश्चिम अघिल्लो खेलमा चितवन राइनोजसँग पराजित भएको थियो।
खेलमा सुदूरपश्चिमले एक परिवर्तन गरेको छ। क्यानडाका दिलप्रितको स्थानमा अमेरिकाका हरमित सिंहलाई खेलाएको छ। यस्तै जनकपुरले दुई परिवर्तन गरेको छ। मोहमद मोहसिन र हेमन्त धामीको स्थानमा जोसुवा ट्रम्प र अरनिको यादवलाई खेलाएको छ।