रवि लामिछानेलाई थप ४ दिन हिरासतमा राख्न अनुमति

काठमाडौं । राष्ट्रिय स्वतन्त्र पार्टी (रास्वपा)का सभापति रवि लामिछानेलाई थप ४ दिन हिरासतमा राख्न अदालतले अनुमति दिएको छ।

सूर्यदर्शन सहकारीको रकम अपचलनमा संलग्न आरोपमा पक्राउ परेका लामिछानेविरुद्ध पुस ५ गते सरकारी वकिल कार्यालयले अदालतमा अभियोजन गर्दै छ।

अभियोजन गर्नुअघि गैरकानुनी थुनामा राख्न नमिल्ने हुनाले उनलाई हिरासतमा राख्न प्रहरीले थप ४ दिनको अनुमति लिएको हो।

सोमबार प्रहरीले उनीविरुद्धको अनुसन्धान प्रतिवेदन बुझाइसकेको छ। काठमाडौंबाट कार्तिक २ गते पक्राउ परेका लामिछाने हाल कास्की प्रहरीको हिरासतमा छन्।