बढ्यो अन्डाको मूल्य,प्रतिक्रेट कति ?
काठमाडौं। अन्डाको मूल्य एक हप्तामै दुईपटक बढाइएको छ। भोलिदेखि लागु हुने गरी ठूलो र मिडियम साइजको अन्डाको मूल्य प्रतिक्रेट १५ रुपैयाँले बढाइएको हो ।
नेपाल लेयर्स कुखुरा पालक संघले यसअघि यही पुस ५ गते पनि अन्डाको मूल्य प्रतिक्रेट १५ रुपैयाँले बढाएको थियो। यही अनुसार एक हप्तामै अन्डाको मूल्य प्रतिक्रेट ३० रुपैयाँ बढेको हो।
संघका अनुसार, अब चितवनमै मिडियम अन्डाको मूल्य प्रतिक्रेट ५०० रुपैयाँ पर्नेछ। त्यस्तै, ठूलो अन्डाको मूल्य प्रतिक्रेट प्रतिक्रेट ५१४ रुपैयाँ २९ पैसा पर्नेछ। सातवटा क्रेटको एक पेटीको मिडियम अन्डाको मूल्य तीन हजार ५०० रुपैयाँ पर्नेछ। ठूलो अन्डाको मूल्य प्रतिपेटी तीन हजार ६०० पर्नेछ।