सिमतालमा रोकिराखेको ट्रकमा बस ठोक्किँदा ६ जना घाइते

चितवन। नारायणगढ–मुग्लिन सडकखण्डअन्तर्गत सिमलतालमा यात्रुवाहक बस दुर्घटना हुँदा ६ जना घाइते भएका छन्। बुटवलबाट पोखरा जाँदै गरेको लु १ ख ८५५ १ नम्बरको बसले मधेश प्रदेश ०३–००२ ख २१५९ नम्बरको ट्रकलाई पछाडिबाट ठक्कर दिँदा बसमा सवार ६ यात्रु घाइते भएका हुन्।

बिग्रिएर सडक छेउमा रोकिराखेको ट्रकको पछाडि आज बिहान करिब साढे ४ बजेतिर बस ठोक्किएको थियो। घाइतेहरुलाई उपचारका लाग चितवनको भरतपुर पठाइएको र सबैको अवस्था खतरामुक्त रहेको इलाका प्रहरी कार्यालय मुग्लिनले जनाएको छ। दुर्घटनास्थल जलविरेबाट करिब दुई किलोमिटर अगाडि नारायणगढतर्फ पर्दछ।