एकैदिन २ हजारले बढ्यो सुनकाे मूल्य, कतिमा हुँदैछ कारोबार?

काठमाडौं । नेपाली बजारमा आज (शुक्रबार) सुनको मूल्य बढेको छ । नेपाल सुनचाँदी व्यवसायी महासंघका अनुसार आज सुन तोलामा २ हजार रुपैयाँ बढेको हो ।

अघिल्लो दिन १ लाख ५१ हजार ५०० रुपैयाँमा कारोबार भएको सुन साताको अन्तिम कारोबार दिन आज प्रतितोला १ लाख ५३ हजार ५०० रुपैयाँ कायम भएको हो ।

यस्तै आज चाँदीको मूल्य पनि बढेको छ । अघिल्लो दिन तोलामा १ हजार ७९० रुपैयाँ कायम भएको चाँदीको मूल्य शुक्रबार बढेर तोलामा १ हजार ८१० रुपैयाँ कायम भएको महासंघले जनाएको छ।