पत्रकार श्यामसुन्दर पुडासैनीको निधन
काठमाडौं । पत्रकार श्यामसुन्दर पुडासैनीको निधन भएको छ । गएराति चाबहिलको हेल्पिङ ह्याण्ड सामुदायिक अस्पतालमा उनको निधन भएको पारिवारिक स्रोतले जानकारी दिएको छ ।
हृदयाघातको लक्षण देखिएपछि उनलाई अस्पताल पु¥याइएको बताइएपनि घटना शंकास्पद देखिएको परिवारका सदस्यले बताएका छन् । प्रहरीले घटनाबारे थप अनुसन्धान थालेको छ । पुडासैनी सरस्वती नगरमा रहेको डेरामा एक्लै बस्दै आएका थिए ।
प्रेस चौतारी नेपाल एशोसियट प्रदेश उपाध्यक्षसमेत रहेका पुडासैनी पछिल्लो समय नेपाल भ्युज अनलाईनमा कार्यरत थिए । यसअघि माउन्टेन टेलिभिजन, प्राइम टेलिभिजन, रेडियो अन्नपूर्णलगायतका विभिन्न सञ्चार माध्यमामा काम गरेका थिए।