हुस्सु र शीतलहरले पूर्वपश्चिम राजमार्ग अवरुद्ध
काठमाडौं । शीतलहर र हुस्सुका कारण नवलपरासी पश्चिमस्थित पूर्व–पश्चिम राजमार्ग अवरुद्ध भएको छ । नवलपरासीको बर्दघाट नगरपालिका–४ खुर्सानी खोलास्थित पूर्व–पश्चिम राजमार्गमा हुस्सु र शीतलहरले गएराति देखि अवरुद्ध भएको हो ।
हुस्सु र शीतलहरका कारण बाटो चिप्लो हुँदा यातायात सञ्चालन गर्न कठिनाइ भएको जिल्ला प्रहरी कार्यालय नवलपरासी पश्चिमका सूचना अधिकारी डीएसपी रेशम बोहराले बताए ।
बिहान सवा ३ बजेदेखि एकतर्फी बाटो खुलाए पनि चिप्लोका कारण मालबाहक सवारी सञ्चालनमा अझै कठिनाइ रहेको उनले जानकारी दिए । दुईतर्फी नै सहज आवागमनका लागि पहल गरिरहेको उनले बताए ।