सरकारको हिट लिस्टमा पूर्वराजाका जनकमाण्डर दुर्गा प्रसाई,गम्भीर संकटमा पूर्वराजा ?

काठमाडौं।राजावादी आन्दोलनको जनकमाण्डर तोकिएका दुर्गा प्रसाई सिंघम शैलीमा तीनकूने पसेर तहसनहस पार्दै सुईकुच्चा ठोकेर अझै फरार छन्। तीनकुने क्षेत्रमा हिंसा भड्काउने काम गरेर भागेका प्रसाई फरार त रहे, तर, पूर्वराजा ज्ञानेन्द्र शाहको गद्दी फिर्ति योजनामा उनले धव्वा नै लगाइ दिए। प्रसाई समातिए भने यो विषयको रहस्य थप खुल्ने अपेक्षा सरकारले गरेको छ।

मेडिकल माफियाबाट एकतह बढुवा भएर महाअभियान्ता बन्दै गरेका प्रसाईँ नेतृत्वको राजावादी समूहले काठमाडौंको तीनकुनेमा गत शुक्रबार दुईजनाको ज्यानलिए भने नीजि सम्पत्तीमा तोडफोड तथा आगजनीगर्ने गरि हिंसा मच्चाएपछि कमाण्डर नै कट्टु समातेर फरार हुने अवस्था आएको हो। गृहमन्त्रालयले सम्पूर्ण घटनाको मूख्य कारक प्रसाईँ नै भएको निष्कर्ष निकालेको छ।

यद्यपी प्रदर्शको पूर्वसंध्यामा प्रसाईँले पूर्वराजा ज्ञानेन्द्र शाहलाई निर्मल निवासमा भेटेपछि तीनकुनेमा उत्पात मच्चाएकाले घट्नाको नेक्सेस निर्मल निवास सम्महुन सक्ने कोणबाट पनि विश्लेष्ण सुरु भएको छ।

शुक्रबारको प्रर्दशनमा मान्छे उक्साएर घरको सटर भित्र छिरेर मुन्टो लुकाएका प्रसाईँ त्यहीबाट गाडी चढेर फरार भएका हुन। तीनकुनेको तवाहीले दुर्गा प्रसाईको भाग्ने अवस्था सिर्जना हुँदा राजावादी समूहमा पनि फ्याक्सन देखिएको छ।

राजावादीहरुको सक्रिया आन्दोलनमा समर्थन जनाएको राप्रपाले तीनकुने हिंसात्मक घटनाको अपनत्व नउठाएपछि पार्टीभित्रै फुटको अवस्था आएको हो। राप्रपामा अहिले अध्यक्ष राजेन्द्र लिङ्देन र प्रमुख सचेतक ज्ञानेन्द्र शाहीसहितको समूहदुर्गा प्रसाईँको कुकर्मको भागिदार आफुहरु नहुने पक्षमा छन्।

त्यस्तै पूर्वराजा शाहले भनिरहेका थिए, समय आएपछि सबै हुन्छ। राजतन्त्र अन्त्य भएको झण्डै दुई दशकसम्म मौनप्राय बसेका ज्ञानेन्द्रले गएको फागुन ७ गते जनताले साथ दिनुपर्ने भन्दै वक्तव्य जारी गरे। सायद आफुले भन्दै आएको समय अब आयो ठानेर उनले जनतालाई यस्तो अपिल गरे। अनि,तातिन थाले राजावादी दल  र समूहरू।

उनीहरुले पनि अबको आन्दोलनले नारायणहिटीसम्म ज्ञानेन्द्रलाई पु¥याउन मात्रै बाँकी रहेको भन्न थालेका छन्। राजावादी दल र शक्तिहरुले यस्तो दाबी गर्नु उनीहरुको राजनीतिक एजेण्डा पनि थियो। तर, त्यो स्थिति बनेको थियो त? के पूर्वराजाको पक्षमा जनता सडकमा ओर्लिएर ज्यान दिन तयार भइसकेका थिए त ? प्रश्न र चासोहरु स्वभाविक भएका छन्।

यस्तोमा प्रवेश भयो,पूर्वपञ्च नवराज सुवेदीको धेरै मानिसले नचिन्ने पात्र। उनले पूर्वराजा ज्ञानेन्द्रको सत्तारोहणको जिम्मा निर्मल निवासबाटै पाए। यता,राजावादी राजनीतिक शक्तिहरु अलमलमा परे। राजेन्द्र लिङ्देन,कमल थापाहरु चकित मात्रै बनेनन्,सुवेदीलाई नेता मान्न तयार हुनुपर्ने अवस्था सृजना भयो। अन्ततः भयो त्यस्तै।

नवराज सुवेदीले आन्दोलनको नेतृत्व पाउने कुरामा पनि लम्बेतान विषयहरु चलिरहेका थिए। तर, यसमा मुख्य भूमिका खेल्नेहरु थिए, रवीन्द्र मिश्र, धवल शमशेर जबरा लगायतका राप्रपाका नेताहरु। उनीहरुले नै निर्मल निवासलाई उक्साए। नेतृत्व लिए। राप्रपालाई राजनीतिक रुपमा कमजोर नै बनाउने बाटो रोजे। तर, यो यसै रोकिनेवाला भने थिएन्।

उनै सुवेदीले राजा ल्याउने आन्दोलनको जनकमाण्डर बनाइदिए, दुर्गा प्रसाईलाई। प्रसाई वामपन्थी रुझानमा हुर्किए। शीर्ष नेताहरुसँग लसपस गरेका।

कसैलाई सम्मानित भन्थे त कसैलाई हजुरबा । केपी ओली, प्रचण्डसँगको संगतले धेरै कुरा सिकेका दुर्गा प्रसाई मेडिकल कलेजको सम्बन्धन पाउन नसकेपछि भने राजा, हिन्दु राष्ट्र यस्ता धेरै कुराहरु लिएर आन्दोलनमा होमिएका थिए। यस्तो आन्दोलनमा पूर्वराजा ज्ञानेन्द्र शाहले पनि झापाबाट समर्थन जनाइदिए। त्यसपछि अनेक उतारचढाव आएपनि प्रसाईले राप्रपा र राजावादी अन्य शक्तिलाई कहिल्यै स्वीकार्ने कुरा गरेनन्।

अराजक र अमर्यादीत अभिव्यक्ति दिदै उनले जनतालाई भड्काउने काम गरिरहे। यस्तोमा चैत्र १५ गतेको प्रदर्शन पनि प्रसाईकै कारण विथोलिन पुग्यो। आन्दोलनमा ठूलो धनजनको क्षति भयो। सरकारले विभिन्न व्यक्तिहरुलाई पक्राउ गरेर अनुसन्धान थालिसकेको छ। यस्तोमा राजावादी शक्ति र ज्ञानेन्द्र शाहको गद्दी मोहको केन्द्रमा छन्,दुर्गा प्रसाई।

दुर्गा प्रसाईले काठमाडौंको तीनकुने क्षेत्रमा आयोजना गरेको प्रदर्शन हिंसामा बदलियो। दुई जनाको ज्यान गयो। धेरै घाइते भए। यसको कारण बने दुर्गा प्रसाई।

सुरक्षाकर्मीमाथि गाडी कुदाएर मार्ने उद्देश्य राखेको सरकारले बताएको छ। उसोतः उनले चलाएको सवारीको वेग देख्दा पनि यस्तै लाग्छ। अश्लिल बोल्छन्। नियन्त्रण गुमाउन खोज्छन्। यो उपद्रो पनकै कारण पूर्वराजा ज्ञानेन्द्र शाहले झण्डै दुई दशक लगाएर आर्जिन थालेको जनताको सेन्टिमेन्ट प्रसाईले एकदिनमै ढालिदिएको विश्लेषण हुन थालेको छ।

सरकारले दुर्गा प्रसाईलाई चैत्र १५ गतेको घटनाको मुख्य योजनाकार भएको आरोप लगाएको छ। प्रसाई प्रहरीको नियन्त्रणमा जतिबेला पनि आउन सक्छन्। यस्तोमा उनी नियन्त्रणमा आएभने पूर्वराजा ज्ञानेन्द्र शाहसँगको सम्वाददेखि योजना समेत छताछुल्ल हुनेछन्।

किनकी यसअघि पनि पक्राउ पर्दा उनले माफी माग्नेदेखि प्रहरीसमक्ष आफूले गरेका सबै कामको बेलि विस्तार लगाउने गरेका छन्।

यस्तोमा पूर्वराजा ज्ञानेन्द्रको योजना मात्रै छताछुल्ल हुनेछैन्,गद्दीमोह समेत भताभुङ्ग हुने छ। दुर्गा प्रसाई अहिले फरार छन्। उनलाई सरकारले हिट लिस्टमै राखेर खाेजी कार्य जारी राखेको छ। तर, उनी कहिलेसम्म पक्राउ पर्छन भन्ने एकिन भने छैन्। प्रहरीलाई चक्मा दिदै उनले बसाई सार्न थालिसकेका छन्।

यद्यपी,उनी पक्राउ परिसकेपछि पूर्वराजा ज्ञानेन्द्र शाहले के गर्लान ? राजावादी शक्तिहरुले प्रसाईको उपद्रोविरुद्ध बल पाइरहेको बेला ज्ञानेन्द्रको मनोवल कस्तो रहला ? यस्ता तमाम विषयकाबीच यो विषय पर्ख र हेरको स्थितिमा देखिन्छ।