बालेनले पठाएको जरिवाना पत्र निर्मल निवासले बुझेन
काठमाडौं । काठमाडौं महानगरपालिकाले पूर्व राजा ज्ञानेन्द्र शाहलाई पठाएको पत्र निर्मल निवासले नबुझी फिर्ता पठाइदिएको छ । शुक्रबार राजावादी समूहले महानगरपालिकाको सडकमा फोहोर र आगजानी गरेको भन्दै महानगरका मेयर बालेन साहले विभिन्न शीर्षकमा ७ लाख ९३ हजार रुपैयाँको जरिवानाको पत्र काटेका थिए।
त्यही पत्र लिएर आज महानगरको नगर प्रहरी र राजस्व विभागको टोलि निर्मल निवास पुगेको थियो । तर, टोलीलाई निर्मल निवासको गेटबाटै फर्काइएको छ। जरिवानाको पत्र र बिल पु¥याउन गएको टोलीलाई गेटबाटै फर्काइएको महानगरका मेयर बालेनका स्वकीय सचिव भुपदेव शाहले जानकारी दिए।
उनका अनुसार जरिवाना शुल्कको पत्र असम्बन्धित भएकाले स्वीकार नहुने भन्दै फर्काएइको थियो । अब उक्त पत्र आजै हुलाकबाट पठाउने महानगरले तयारी गरेको छ । शुक्रबार भएको राजावादीको आन्दोलनका क्रममा तीनकुने, कोटेश्वर लगायत क्षेत्रमा तोडफोड र आगजनी भएको थियो। महानगरले वातावरण तथा प्राकृतिक स्रोत संरक्षण ऐन २०७७ र काठमाडौँ महानगरपालिकाको आर्थिक ऐन बमोमिज जरिवाना गराएको हो।