जिउँदै मान्छेलाई घरमा आगो लगाएर पोल्ने चरित्र राजावादीले देखाए: गृहमन्त्री लेखक

काठमाडौं। गृहमन्त्री रमेश लेखकले राजावादीहरुले चैत १५ गतेको आन्दोलनबाट जिउँदै मान्छेलाई घरमा आगो लगाएर पोल्ने आफ्नो चरित्र देखाएको बताएका छन्।

आइतवार काठमाडौँमा आयोजित एक कार्यक्रमलाई सम्बोधन गर्दै उनले यस्तो बताएका हुन्। उनले राजावादी वा राजाको शासन पुनः ल्याउँछौँ भन्नेहरुले राजाको शासन कस्तो हुन्छ भनेर चरित्र देखाइसकेको बताए।

उनले घरभित्र मानिस रहेको जानकारी हुँदाहुँदै पनि बाहिरबाट आगो लगाइएको आरोप लगाए। उनले देशमा फेरि राजाको शासन ल्याउँछौँ भनेर जिउँदै मान्छेलाई घरमा आगो लगाएर पोल्ने चरित्र राजावादीहरुले देखाएको बताए।

‘राजावादी मानिसहरुले यो देशमा फेरि राजाको शासन ल्याउँछौँ भन्ने मानिसहरुले राजाको शासन कस्तो हुन्छ भन्ने चरित्र देखाइसक्नुभएको छ। घरभित्र मानिस छन्,यो घरमा मानिस छन् भन्ने थाहा छ,गृहमन्त्री लेखकले भने, ‘तर घरबाहिरबाट आगो लगाइएको छ।

के का लागि लगाइएको छ भन्दा हामी राजाका समर्थक हौँ,यो देशमा फेरि राजाको शासन ल्याउँछौँ भनेर जिउँदै मान्छेलाई घरमा आगो लगाएर पोल्ने काम भएको छ। यो हो चरित्र। गृहमन्त्री लेखकले लोकतन्त्र नहुँदा सञ्चार जगत त्रसित हुने जिकिर गरे।