निर्मल बाटिका एकेडेमीद्वारा नयाँ शैक्षिक सत्रको सूचना जारी,शैक्षिक गुणस्तर अभिवृद्धि गरिने

काठमाडौं। टोखा-११ स्थित प्रतिष्ठित शैक्षिक संस्था निर्मल बाटिका एकेडेमीले आगामी शैक्षिक सत्र २०८१ सम्बन्धी अभिभावककाे लागि महत्वपूर्ण सूचना जारी गरेको छ। विद्यालयले अभिभावकहरूलाई सम्बोधन गर्दै शैक्षिक गतिविधि, परीक्षा तालिका र शुल्क संरचनामा भएका परिवर्तनहरूबारे जानकारी गराएको हो।

विद्यालयका अनुसार सम्पूर्ण कक्षाहरूको परीक्षा सम्पन्न भई नतिजा वितरणको तालिका तय गरिएको जनाएकाे छ। प्रि-स्कूल तर्फ प्रि-जी, नर्सरी, एल.के.जी र यू.के.जी कक्षाहरूको परीक्षाफल चैत्र २१ गते बिहिबारदेखि बिहान ९ देखि दिनको १ बजेसम्म वितरण गरिने उल्लेख छ।

प्रि(स्कूल तर्फ यू.के.जी को ग्राजुएसन र वार्षिक परीक्षाको नतिजा वितरण चैत्र २२ गते शुक्रबार हुने जनाइएको छ। ग्राजुएसन कार्यक्रम ११ बजेबाट शुरु हुनेछ र कार्यक्रमपछि नतिजा वितरण गरिने उल्लेख गरिएकाे छ।

यसैगरी, कक्षा १ देखि ७ र कक्षा ९ को वार्षिक परीक्षाको नतिजा चैत्र २३ गते शनिबार बिहान १० बजेदेखि दिनको ३ बजेसम्म वितरण गरिने बताइएको छ। कक्षा ८ र १० को वार्षिक परीक्षाको नतिजा टोखा नगरपालिकाले प्रकाशित गरेपछि मात्र विद्यालयले उपलब्ध गराउने उल्लेख छ।

सूचनामा नतिजा वितरण र त्यसको प्रक्रिया जानकारीसहित चैत्र २५ सम्म वार्षिक शुल्क बुझाउने अभिभावकहरूलाई कुल वार्षिक शुल्कमा १० प्रतिशत छुट दिइने उल्लेख गरिएको छ।

विद्यालयले आफ्नो पाठ्यक्रममा व्यापक परिवर्तन गरेको जानकारी पनि दिएको छ। मासिक ३५,००० भन्दा बढी शुल्क तिरेर अध्ययन गर्नुपर्ने हाम्रो पाटनर स्कूल न्यू मिलेनियम स्कूल, इमाडोल ललितपुर र उक्त विद्यालयले सञ्चालन गरेको नेहा जेन करिकुलम यसै शैक्षिक सत्रबाट सञ्चालनमा ल्याइएको छ।

सूचनामा आगामी शैक्षिक सत्रमा विद्यालयले फुटबल, क्रिकेट, ब्याडमिन्टन आदि खेलहरूको लागि आफ्नै स्पोर्ट्स सेन्टर निर्माण प्रक्रिया अन्तिम चरणमा पुगेको जानकारी गराइएको छ।

यसैबीच, विद्यालयले नियमित विद्यार्थीको हकमा (२०८१ को वार्षिक परीक्षामा सहभागी हुने विद्यार्थीहरूको) सर्टिफिकेट, खाना, खाजा, बस, कोचिङ शुल्क लगायतको सन्दर्भमा विद्यालयको पुरानो दररेट कायम गरिने उल्लेख गरेको छ। साथै मासिक शुल्कको सम्बन्धमा २०८१ को मासिक फी मा सुविधा सहित रु २५०० वृद्धि गरी नयाँ शुल्क कायम गरिने जनाइएको छ।

निर्मल बाटिका एकेडेमीले यस सूचनामार्फत अभिभावकहरूलाई विद्यालयको शैक्षिक तथा वित्तीय नीतिहरूबारे पारदर्शी जानकारी प्रदान गरेको छ, जसले शिक्षाको गुणस्तर वृद्धि गर्ने र अभिभावकसँगको सहकार्यलाई थप सुदृढ बनाउने विद्यालयको प्रतिबद्धता जनाएकाे छ। 

निर्मल बाटिका एकेडेमीका प्रिन्सिपल शिव थापाले विद्यालयको शैक्षिक गुणस्तरमा निरन्तर सुधार गर्दै लगिने बताएका छन्।उनका अनुसार विद्यालयले आधुनिक शिक्षण विधि,प्रविधिको उपयोग, र विद्यार्थीमैत्री वातावरणको विकास गर्दै शैक्षिक स्तरलाई थप उचाइमा पुर्‍याउने योजना रहेकाे बताए।

साथै, शिक्षकहरूको दक्षता अभिवृद्धि गर्न विशेष तालिम कार्यक्रम सञ्चालन गरिने र पाठ्यक्रमलाई व्यवहारिक शिक्षासँग जोड्ने पहल गरिने विद्यालयका प्रिन्सिपल थापाले जनकारी दिए।

विद्यालयका विद्यार्थी,अभिभावक तथा शिक्षकहरूसँगको समन्वयलाई प्रभावकारी बनाउँदै शिक्षालाई गुणात्मक बनाउन विशेष रणनीति अवलम्बन गरिने प्रिन्सिपल थापाले स्पष्ट पारे।