डोटीमा जीपबाट खसेर एक जनाको मृत्यु
काठमाडौं । डोटीमा जीपबाट खसेर एक जनाको मृत्यु भएको छ। सिलगढी नगरपालिका–१ को तिखामा दिपायलबाट आदर्श गाउपालिकातर्फ जाँदै गरेको सुप प्र०१–००१ च ४११८ नम्बरको बोलेरो जिपबाट खस्दा ३४ वर्षीय ज्ञानेन्द्र बहादुर बोहराको मृत्यु भएको हो।
बोहरा सोही जीपका धनी हुन्। आदर्श गाउँपालिका–२ को कुचेडा बस्ने उनी जीप पछाडी ढालामा बसेको अवस्थामा सडकमा खसेका थिए।
घाईते भएका उनलाई उपचारका लागी शैलेश्वरी अस्पताल लगिएको थियो तर बोहराको उपचारकै क्रममा मृत्युु भएको प्रहरीले जनाएको छ। जीप र चालक २३ वर्षीय विराज भट्टलाई नियन्त्रणमा लिएर अनुसन्धान गरिरहेको प्रहरीले जनाएको छ।