सुनको मूल्यमा रेकर्ड,ताेलामा कति ?

काठमाडौं। चार दिनदेखि सुनको मूल्यमा रेकर्ड बन्ने क्रम जारी छ। मंगलबार पनि सुनको मूल्य हालसम्मकै उच्च भएको छ।

नेपाल सुनचाँदी व्यवसायी महासंघले यस दिन मूल्य प्रतितोला १ लाख ७९ हजार ७ सय रुपैयाँ तोकेको छ। आजको मूल्य अघिल्लो दिनको तुलनामा १८ सय बढी हो।

अघिल्लो दिन प्रतितोला १ लाख ७७ हजार ९ सय रुपैयाँमा सुनको कारोबार भएको थियो। गत शुक्रबारदेखि सुनको मूल्यले दैनिक नयाँ रेकर्ड बनाउँदै आएको छ। शुक्रबार प्रतितोला १ लाख ७६ हजार २ सयमा कारोबार भएको सुन आइतबार १ लाख ७६ हजार ८ सय पुग्यो। सोमबार ११ सय बढेर १ लाख ७७ हजार ९ सय पुगेको थियो।