आज ६ संसदीय समितिका बैठक बस्दै

काठमाडौं। संघीय संसद्अन्तर्गतका ६ समितिका बैठक बिहीबार बस्दैछन्। प्रतिनिधिसभाका चार र राष्ट्रिय सभाका एक समितिको बैठक बस्ने तय भएको हो। यस्तै एउटा संयुक्त बैठक बस्नेछ।

संसद् सचिवालयका अनुसार कानून, न्याय तथा मानवअधिकार समिति, कृषि, सहकारी तथा प्राकृतिक स्रोत समिति, महिला तथा सामाजिक मामिला समिति, शिक्षा, स्वास्थ्य तथा सूचना प्रविधि समितिको बैठक बिहान ११ः०० बजे बस्नेछ।

त्यसैगरी, विकास र आर्थिक मामिला तथा सुशासन समितिको बैठक साढे ११ बजे बस्नेछ। राज्यका निर्देशक सिद्धान्त, नीति र दायित्वको कार्यान्वयन अनुगमन तथा मूल्याङ्कन समितिको बैठक भने बिहान ११ः३० बजे हुने भएको छ।

बैठकमा नेपालको संविधानको धारा ५३ बमोजिम संघीय संसदमा प्रस्तुत भएको नेपाल सरकारको आ.व. २०७९/०८० को वार्षिक प्रतिवेदन (विद्युत, खानेपानी, शिक्षा, स्वास्थ्य र पूर्वाधार) सम्बन्धमा छलफल हुने संसद् सचिवालयले जनाएको छ।