आज मिति २०८२ साल बैशाख ६ गते शनिबार साढे सातको शनिदोष हटाउन संकटा देवीको दर्शन गरि राशिफल पढ्नुहोस्

मेष चु, चे, चो, ला, लि, लु, ले, लो, अ- अस्वस्थताका बाबजुद कामको दायित्व बढ्नेछ । सानातिना काममा महत्वपूर्ण समय बित्न सक्छ । शुभचिन्तकहरूको सुझाव बेवास्ता गर्दा दुस्ख पाइने सम्भावना छ । हुलमुलमा धनमाल हराउन सक्छ, साथीभाइको सहयोग लिन प्रयास गर्नु उपयुक्त हुनेछ । मनोरञ्जनमा अलमलिनाले लक्ष्य हासिल गर्न ढिलाइ हुन सक्छ।

वृष इ, उ, ए, ओ, वा, वि, वु, वे, वो- समयको सही सदुपयोग गर्न नसक्दा काममा बाधा र खर्चको भार बढ्न सक्छ । परिश्रम अनुसार लाभ कमै हुनेछ । तर, सुख दुस्खमा साथ दिने व्यक्तिहरूको साथ पाउनेछ । पारिवारिक साथले उत्साह मिल्नेछ । यद्यपि, पहिलेका समस्या पुनस् दोहोरिन सक्छन् र लेनदेनको विषयमा विवाद उत्पन्न हुन सक्छ।

मिथुन का, कि, कु, घ, ङ, छ, के, को, हा- नसोचेको स्थानबाट धन लाभ हुने योग छ । व्यापार व्यवसायमा राम्रो फाइदा हुनेछ । भविष्यका लागि महत्वपूर्ण जग बसाउने मौका मिल्नेछ । कर्मको उचित मूल्यांकन पाइनेछ । उपहार प्राप्त हुने समय हो । सहकर्मी र सहयोगीको साथले सफलता मिल्नेछ । नयाँ व्यवसाय सुरु गर्न अनुकूल दिन हो ।

कर्कट हि, हु, हे, हो, डा, डि, डु, डे, डो- ठूलो प्रयास गर्दा पनि उपलब्धि प्राप्त गर्न कठिन हुन सक्छ । शुभचिन्तकको सुझाव अवहेलना गर्दा हानि हुन सक्छ । रमाइलो यात्राको अवसर मिल्नेछ र कामको चापबाट केही राहत पाउन सकिनेछ । आलस्यले समस्या निम्त्याए पनि मेहनतीहरूको लागि समय सकारात्मक रहनेछ। दाम्पत्य सम्बन्धमा सुधार आउनेछ । सरकारी क्षेत्रमा अवसर प्राप्त हुन सक्छ ।

सिंह मा, मि, मु, मे, मो, टा, टि, टु, टे- मसलायुक्त खानाबाट सावधानी अपनाउनु होला । भौतिक सम्पत्तिमा क्षति पुग्ने सम्भावना छ । अरूको काममा समय बित्न सक्छ । उपलब्धि प्राप्त गर्न धेरै मिहिनेत गर्नुपर्नेछ । स्वास्थ्य कमजोर हुँदा अध्ययनमा समय दिन कठिन पर्न सक्छ । सवारी चलाउँदा विशेष सतर्कता आवश्यक छ।

कन्या टो, पा, पि, पु, ष, ण, ठ, पे, पो- पारिवारिक टाढापनले मन खिन्न हुन सक्छ । आफ्नै कमजोरीले विवादमा तानिन सकिनेछ । सानातिना काम र घरेलु समस्याले अल्झन सक्छ । अनावश्यक यात्रामा समय बित्न सक्छ । प्रतिस्पर्धामा सहभागिता जनाउनु पर्ने परिस्थिति आउन सक्छ । अरूको भरपर्दा काम अधुरो रहने सम्भावना छ।

तुला रा, रि, रु, रे, रो, ता, ति, तु, ते- भौतिक साधन प्राप्त हुने समय भएकाले दिगो योजना सुरु गर्न सकिनेछ । साझेदारीमा लाभ हुने संकेत छ । नयाँ काममा हात हाल्ने अनुकूल समय हो । तर, सवारीसाधन प्रयोग गर्दा विशेष सतर्कता अपनाउनु आवश्यक छ । सोखले खर्च बढाउन सक्छ । प्रयास गर्दा सजिलै लाभ लिन सकिनेछ ।

वृश्चिक तो, ना, नि, नु, ने, नो, या, यि, यु- लाभदायक काम प्रारम्भ गर्न सकिने समय हो । पुराना प्रयासहरूको राम्रै मूल्यांकन हुनेछ । व्यावसायिक क्षेत्रमा खर्च बढ्न सक्छ । धार्मिक र सेवामूलक कार्यबाट प्रतिष्ठा मिल्नेछ । तर, अवसर चुक्नाले पछि परिने खतरा छ । स्वास्थ्यमा समस्या आउनाले काम प्रभावित हुन सक्छ।

धनु ये, यो, भा, भि, भु, धा, फा, ढा, भे- कामको सिलसिलामा विशिष्ट व्यक्तिहरूसँग मित्रता विस्तार हुने समय हो । कला, साहित्य र मनोरञ्जन प्रति रुचि बढ्नेछ। स्वास्थ्य समस्या देखिन सक्छ र उपचारमा खर्च हुन सक्छ । प्रयास अनुसार सफलता प्राप्त हुने सम्भावना छ । यद्यपि, दाम्पत्य जीवन वा पारिवारिक सम्बन्धमा असमझदारी बढ्न सक्छ ।

मकर भो,जा,जि,जु,जे,जो,ख,खि,खु,खे,खो,गा,गि- व्यवसायमा संलग्न व्यक्तिहरूलाई विशेष लाभ प्राप्त हुने दिन हो । रुचिका क्षेत्रमा लगानी गर्न सकिने समय हो। तर, समयको उचित व्यवस्थापन गर्न नसके काममा बाधा र खर्च बढ्न सक्छ । मेहनत अनुसार लाभ कम भएपनि शत्रु र रोगबाट छुटकारा पाइनेछ । मुद्दा मामिलामा सफलता मिल्नेछ।

कुम्भ गु, गे, गो, सा, सि, सु, से, सो, दा- आम्दानी तथा आयआर्जनका नयाँ स्रोत खुल्ने समय हो । व्यापारमा मनग्य फाइदा हुनेछ । यद्यपि, विद्यामा कमजोरी र लेनदेनमा विवाद उत्पन्न हुन सक्छ । विगतका समस्याहरू दोहोरिन सक्छन् । टाढिएका सन्तानलाई आमाको सम्झना सताउन सक्छ । शुभचिन्तकको सल्लाह लाभदायक हुनेछ ।

मीन दि, दु, थ, झ, ञ, दे, दो, चा, चि- आँटेका काम सजिलै सम्पन्न हुनेछन् । दीर्घकालीन फाइदा हुने काममा लगानीको अवसर मिल्नेछ । भौतिक साधन जुट्ने भएकाले आयआर्जनमा प्रगति हुनेछ। अतिथिका रूपमा सम्मान पाउने सम्भावना पनि देखिन्छ । यद्यपि, नयाँ योजना कार्यान्वयनमा ल्याउन केही कठिनाइ भोग्नुपर्नेछ।