बस र हायस ठोक्किँदा चारजनाको मृत्यु
चितवन । चितवनको भरतपुर महनगरपालिका–२९ सत्र किलोमा बस र इलेक्ट्रिक हायस ठोक्किँदा चार जनाको मृत्यु भएको छ ।
प्रहरीका अनुसार मुग्लिङबाट नारायणगढतर्फ आउँदै गरेको बा।प्र.०६–००१ ज.०२९८ नम्बरको इलेक्ट्रिक हायस र नारायणगढबाट मुग्लिङतर्फ जाँदै गरेको बा.प्र. ०३–००१ ख. २८१२ नम्बरको बस एकआपसमा ठक्कर खाँदा चार जनाको मृत्यु भएको हो ।
चितवन प्रहरी प्रवक्ता डीएसपी भेसराज रिजालका आनुसार हायसमा सवार गोरखा आरुघाट गाउँपालिका–१ का ४२ वर्षीय राजबहादुर गुरुङ, परिचय नखुलेका ४० वर्षीया महिला, ३२ वर्षीय र ३५ वर्षीय पुरुषको मृत्यु भएको छ ।
दुर्घटनामा अन्य ६ जना घाइते भएका छन् । घाइतहरुमध्ये दुई जनाको भरतपुर अस्पताल र चार जनाको चितवन शिक्षण अस्पतालमा उपचार भइरहेको प्रहरीले जनाएको छ।