ट्रकको ठक्करबाट साइकल यात्रुको मृत्यु
काठमाडौं। नवलपरासी जिल्लाको सुस्तामा ट्रकको ठक्करबाट साइकल यात्रुको मृत्यु भएको छ ।
जिल्ला प्रहरी कार्यालय नवलपरासीका सुस्ता गाउँपालिका वडा नम्बर १ बरुवा स्थित भित्री सडक खण्डमा बर्दघाटबाट त्रिवेणी तर्फ जाँदै गरेको लु २ ख ८९३ नम्बरको ट्रकले सोही दिशा तर्फ जाँदै गरेको साइकल यात्री लाई ठक्कर दिँदा उनको मृत्यु भएको छ ।
मृत्यु हुनेमा सुस्ता १ बरुवा बस्ने वर्ष ६५ का रामजी नेपाली रहेका छन्। सख्त घाइते भएका उनलाई उपचारका लागि सहिद स्मृति सामुदायिक अस्पताल चौपत्ता लगिएकोमा चिकित्सकले मृत घोषणा गरेको प्रहरीले जनाएको छ।
ट्रक चालकलाई प्रहरीले नियन्त्रणमा लिएको र थप अनुसन्धान भइरहेको छ।