आज यी प्रदेशका पहाडी क्षेत्रको मौसममा आंशिक बदली,बाँकी क्षेत्रको मौसम सामान्यतया सफा
काठमाडौं,माघ ९ । हाल देशभरको मौसममा प्रभाव पार्ने उल्लेखनीय मौसमी प्रणालीको उपस्थिति छैन ।हाल देशका पहाडी भू–भागको मौसममा आंशिक बदली रहेको छ ।
आज काठमाडौंको न्युनतम तापक्रम ६ डिग्री सेल्सियस रहेको छ भने अधिकतम तापक्रम १७ डिग्री सेल्सियस रहने जल तथा मौसम विज्ञान विभागले जनाएको छ ।
आज दिउँसो देशका पहाडी भू–भागको मौसममा आंशिक बदली हुने सम्भावना रहेको छ ।देशका बाँकी भू–भागहरुको मौसम सामान्यतया सफा रहने छ।
बिहानीपख तराईका केही भू–भागका थोरै स्थानहरुमा हुस्सु् र कुहिरो लाग्ने संभावना देखिएको विभागले जनाएको छ ।आज राती सुदूरपश्चिम र कर्णाली प्रदेशको मौसममा आंशिकदेखि सामान्य वदली हुने सम्भावना रहेको छ ।
प्रदेश न १, बागमती र गण्डकी प्रदेशका पहाडी भू–भागको मौसममा आंशिक बदली रहने सम्भावना छ ।देशका बाँकी भू–भागहरुको मौसम सामान्यतया सफा रहने जल तथा मौसम विज्ञान विभागले जनाएको छ।