नेपालमा थप ६६ जनामा कोरोना संक्रमण पुष्टि,थप ५८ जना डिस्चार्ज
काठमाडौं,फागुन २३। नेपालमा थप ६६ जनामा कोरोना संक्रमण पुष्टि भएको छ। यो सँगै कुल संक्रमितको संख्या २ लाख ७४ हजार ७ सय २१ जना पुगेको स्वास्थ्य तथा जनसंख्या मन्त्रालयले जनाएको छ। जसमध्ये ८ सय २५ जना सक्रिय संक्रमित छन्।
पछिल्लो २४ घण्टामा ४ हजार १ सय ११ जनाको पिसिआर परीक्षण गर्दा ६६ जनामा कोरोना पुष्टि भएको छ। यो सँगै नेपालमा पिसिआर परीक्षण हुनेको संख्या २१ लाख ९२ हजार ८ सय ३६ पुगेको छ। यो सँगै नेपालमा निको हुनेको संख्या २ लाख ७० हजार ८ सय ८६ पुगेको मन्त्रालयले जनाएको छ।
पछिल्लो २४ घण्टामा कुनै पनि कोरोना संक्रमितको मृत्यु भएको छैन। हाल ५३ जना क्वारेन्टाइनमा छन्। पछिल्लो २४ घण्टामा ५८ जना उपचारपछि डिस्चार्ज भएका छन्।