नेपालमा थप ४८ जना कोरोना संक्रमण पुष्टि,थप ६१ जना डिस्चार्ज
काठमाडौं,फागुन २८। नेपालमा थप ४८ जना कोरोना संक्रमण पुष्टि भएको छ। योसँगै कुल संक्रमितको संख्या २ लाख ७५ हजार ११८ जना पुगेको स्वास्थ्य तथा जनसंख्या मन्त्रालयले जनाएको छ। जसमध्ये ९ सय २९ जना सक्रिय संक्रमित छन्।
पछिल्लो २४ घण्टामा २ हजार ५ सय १२ जनाको पिसिआर परीक्षण गर्दा ४८ जनामा कोरोना पुष्टि भएको छ। यो सँगै नेपालमा निको हुनेको संख्या २ लाख ७१ हजार १७७ पुगेको मन्त्रालयले जनाएको छ।
पछिल्लो २४ घण्टामा कुनै पनि कोरोना संक्रमितको मृत्यु भएको छैन। हाल ५१ जना क्वारेन्टाइनमा छन्।पछिल्लो २४ घण्टामा ६१ जना उपचारपछि डिस्चार्ज भएका छन्। यो सँगै नेपालमा पिसिआर परीक्षण हुनेको संख्या २२ लाख १० हजार ४३४ पुगेको छ।