आज यी प्रदेशका पहाडी भू–भागका केही स्थानमा मेघगर्जन र चट्टयाङसहित वर्षाको सम्भावना

काठमाडौँ,चैत्र १। जल तथा मौसम विज्ञान विभाग मौसम पूर्वानुमान महाशाखले हाल देशमा स्थानीय वायु संगै पश्चिमी वायुको समेत प्रभाव रहेको जनाएको छ ।

आइतबार देशको पहाडी भू–भागहरुमा आंशिक देखि सामान्य बदली रही बाँकी भू–भहागहरुको मौसम सामान्यतया सफा रहनेछ ।

बागमती प्रदेश र प्रदेश नं १ का पहाडी भू–भागका एक–दुइ स्थानमा मेघ गर्जन र चट्टयाङ सहित हल्का वर्षाको सम्भावना रहेको छ ।

राती देशको पहाडी भू–भागहरुमा आंशिक बदली रही बाँकी भू–भहागहरुको मौसम सामान्यतया सफा रहने छ ।

गण्डकी प्रदेश र प्रदेश नं १ का पहाडी भू–भागका एक–दुइ स्थानमा मेघ गर्जन र चट्टयाङ सहित हल्का वर्षाको सम्भावना रहेको महाशाखाले जनाएको छ ।