गाईफार्ममा खुकुरी प्रहार गरी २० वर्षीय युवकको हत्या
काठमाडौं,बैशाख ३।भक्तपुरको सूर्यविनायक नगरपालिका–८,सिपाडोलमा रहेको एक गाईफार्ममा हिजाे बेलुका खुकुरी प्रहार गरी युवकको हत्या भएको छ ।
सोलुखुम्बु घर भइ मनोहराको सुकुम्बासी वस्तीमा बस्ने २० वर्षीय ईश्वर राईको हत्या भएको हो।प्रहरी परिसर भक्तपुरका अनुसार हत्यामा संलग्न काठमाडौंको गोठाटार घर भइ सूर्यविनायक बस्ने २० वर्षीय आशिष खुलाल पक्राउ परेकाे जनाएकाे छ।
हत्या भएको सूचना आए लगत्तै महानगरीय प्रहरी बृत्त जगातीबाट डीएसपी राजेश थापा नेतृत्वको टोली पुगेर उनलाई तत्कालै नियन्त्रणमा लिएको प्रहरीले जनाएकाे छ।
प्रहरीका अनुसार सोधपुछका क्रममा खुलालले सामान्य विवादमा खुकुरी प्रहार गरेको खुलेको बताउनुभयो ।विवादको विषयमा विस्तृतमा खुलिनसकेको घटनाबारे थप अनुसन्धान जारी रहेको प्रहरीले जनाएकाे छ।