निषेधाज्ञामा पनि दैनिक ४ घण्टा बैंक खुल्ने,कुन समयमा खुल्ला रहन्छन् त बैंक

काठमाडौं,बैशाख १६ ।कोरोना भाइरस महामारीका कारण देशका विभिन्न ठाउँमा जारी निषेधाज्ञामा पनि बैंक तथा वित्तीय संस्थाहरु दैनिक ४ घण्टा खुल्ने भएका छन् ।

बुधधबार भएको एक छलफलमा राष्ट्र बैंक र बैंकरबीच यस्तो सहमति भएको हो ।

सहमति अनुसार निषेधाज्ञा लागेका उपत्यकाका तीन जिल्ला काठमाडौं, ललितपुर र भक्तपुरमा बिहान १० बजेदेखि दिउँसो २ बजेसम्म बैंक खुल्ने भएको हो ।

यद्यपि बैंकका एटीम भने पहिलेजस्तै २४ घण्टा नै खुला रहने बताइएको छ।