रुपन्देहीमा चार वर्षीया बालिका बलात्कृत,एक जना पक्राउ
काठमाडौं,जेठ १२। रुपन्देहीमा चार वर्षीया बालिका बलात्कृत भएकी छिन् । उनलाई जबरजस्ती करणी गरेको आरोपमा प्रहरीले एक जनालाई पक्राउ गरेको छ ।
जिल्लाको कञ्चन गाउँपालिका ४ बुद्धनगर बस्ने ५२ वर्षीय हेमलाल गन्धर्व पक्राउ परेका हुन् ।
हेमलाल गन्धर्वले चार वर्षीय बालिकालाई आफ्नै घरमा जबरजस्ती करणी गरेको सूचना प्राप्त भएपछि इलाका प्रहरी कार्यालय रुद्रपुरबाट खटिएको टोलीले उनलाई मंगलबार साँझ पक्राउ गरेको थियो । घटनाको बारेमा प्रहरीले अनुसन्धान गरिरहेको छ ।