आगो लगाएर ३ वर्षीया छोरी र आमाको हत्या प्रयास,श्रीमान पक्राउ
काठमाडौ,जेठ १४। डोटीमा आगो लगाएर आमाछोरीको हत्या प्रयास भएको छ । जिल्लाको आदर्श गाउँपालिका—४ रोडिङ्गेमा २८ वर्षीया लक्ष्मी भाट र उनकी छोरीको आगो लगाएर हत्या प्रयास गरिएको हो ।
प्रहरीका अनुसार उनीहरुको शरिरमा प्रज्वलनशील पदार्थ छर्केर आगो लगाएइको थियो ।उनीहरूको हात खुट्टा र शरिर जलेको छ।
आगोले जलेर लक्ष्मी र उनकी ३ वर्षीया छोरी अन्जु घाइते भएका छन्। घटनापछि उनका श्रीमानलाई पक्राउ गरी अनुसन्धान भइरहेको जिल्ला प्रहरी कार्यालय डोटीले जनाएको छ ।
घरायसी विवाद देखिएकाले परिवारकै कसैले यस्तो गरेको हुनसक्ने प्रहरीको अनुमान छ।