शरीरमा दाद आएर हैरान हुनुहुन्छ,यस्तो गर्नुस्,यस्ता छन् ४ घरेलु उपायहरु
काठमाडौं। मानिसका शरीरका विभिन्न भाग, हात, पाखुरा, गर्दन, घाँटी वा अन्य भागमा चिलाएर रातै खटिरा आउने वा खटिरा पाकेर दाग बस्ने जस्ता समस्या आयो भने हामी यसलाई दाद भनिन्छ।
शरीर चिलाएर रातो खटिरा आउने र निको भए पनि यसको दाग कहिल्यै हटेर नजाने समस्या एक आम समस्या हो । दाद हटाउने घरेलु उपाय यस्ता छन् ।
लसुन-लसुनमा पाइने प्राकृतिक रसायनिक पदार्थ ‘एलिसिन’ र ‘अज्वाइन’को एण्टिब्याक्टेरियल तथा एण्टिफङ्गल गुण दादा जस्ता छालाको सङ्क्रमणको लागि अचुक शुत्र हुन आउँछ। २/३ वटा ताजा, नकुहिएको लसुनको पोटी लिनुहोस् र त्यसलाई मसिनो गरी पिसेर लेदो बनाउनुहोस्।
अब दादलाई मनतातो पानीले सफा गर्नुहोस् र नरम सफा कपडाले पुछेपछि लसुनको लेदो बाक्लो गरी लेप्नुहोस्। धेरैमा २ घण्टासम्म त्यत्तिकै राखिसकेपछि त्यसलाई फेरि मनतातो पानीले सफा गर्नुहोस्।
ध्यान रहोस् कि २ घण्टाभन्दा बढि राख्नाले त्यसले उल्टो असर गर्न सक्छ र दादलाई पकाउन पनि सक्छ। अझ उत्तम नतिजाको लागि दिनमा २ पटकसम्म यसो गर्नुहोस्।
नरिवलको तेल, कपुर, कागती-एक सफा कचौरामा दुई चम्चा नरिवलको तेल र कपुरको दुइटा दानालाई धुलो बनाएर मिसाउने । कपुरलाई सजिलै हातले नै धुलो पार्न सकिन्छ ।
यी दुई सामग्रीलाई राम्ररी मिसाएर मिक्स्चर बनिसकेपछी एउटा कागतीलाई दुई टुक्रामा काट्नुहोस् । अब नरिवलको तेल र कपुर मिसाएर बनाएको मिक्स्चरमा आधा भाग कागतीको टुक्रालाई चोपेर जहाँ जहाँ दाद छन् त्यहाँ विस्तारै यसले सर्कुलर मोसनमा लगाउने ।
कागतीले पोलेको छ भने यत्तिकै हातले नै लगाउन सक्नुहुनेछ। यसरी लगाईसकेपछी करिब १५ मिनेट सम्म राख्नुहोस्। त्यसपछि मनतातो पानीले धुने र दादमा लगाउने औषधी भए लगाउने बिस्तारै हराएर जान्छ ।
काँचो बेसार-सुकेको बेसार होइन, धूलो बेसार होइन, केवल काँचो र ताजा बेसारको बाक्लो जुस बनाउनुहोस् र दादमा लेप्नुहोस्।
यसको एण्टिबायोटिक गुण ढुसीको सङ्क्रमणको लागि उत्तम हुन्छ। २ घण्टासम्म काँचो बेसारको लेप लगाइसकेपछि मनतातो पानीले सफा गर्नुहोस्।
भिनेगर र नुन-भिनेगर र नुनको बाक्लो लेदो बनाउनुहोस् र त्यसलाई दाद आएको ठाउँमा लगाउनुहोस्। ५ मिनेटपछि मनतातो पानीले सफा गर्नुहोस्। दिनमा २ पटकसम्म यस्तो गर्नाले कम्तीमा १ हप्ता र बढिमा २ हप्तापछि दादको दाग बिस्तारै घट्दै जान थाल्दछ।