गोठालो गएकी बालिकाको यौंन दुर्व्यवहारपछि हत्या,२ जना पक्राउ
काठमाडौं। गोठालो गएकी एक बालिकाको हत्या गरेको आरोपमा २ जना पक्राउ परेका छन् । पक्राउ पर्नेमा सप्तरीको डाक्नेश्वरी नगरपालिका–३ का १९ वर्षीय रोहितकुमार यादव र राजु यादव रहेका छन् ।
उनीहरुलाई सोही ठाउँ बस्ने रामउदगार यादवकी छोरी ९ वर्षीया शिवानीकुमारीको हत्या आरोप लागेको छ ।
हँसियाले घाँटी काटेर हत्या गरिएको अवस्थामा गत शुक्रबार शिवानीको शव हटेल पुवरिया टोलस्थित फूलबारीमा फेला परेको थियो। शवको परीक्षण धरानस्थित बीपी कोइराला स्वास्थ्य विज्ञान प्रतिष्ठानमा शनिबार भएको छ।
यौन दुर्व्यवहारपछि हत्या गरेका आरोपमा रोहितलाई पक्राउ गरेपछि थप अनुसन्धानका लागि सोमबार राजुलाई समेत सोधपुछ गर्न नियन्त्रणमा लिइएको सप्तरी प्रहरीले जनाएको छ।