देउवालाई गरे मोदीले फोनः खोप दिने आश्वासन
काठमाडौँ । भारतीय प्रधानमन्त्री नरेन्द्र मोदीले समोबार नव नियुक्त प्रधानमन्त्री शेरबहादुर देउवालाई टेलिफोन मार्फत कुराकानी गरेका छन् ।
दुवै प्रधानमन्त्रीले द्विपक्षीय सम्बन्धलाई थप मजबुत बनाउनेबारे छलफल गरेको परराष्ट्र मन्त्रालयले ट्विटमार्फत् जानकारी दिएको छ । साथै भारतीय प्रधानमन्त्रीले चाँडै नेपाललाई कोरोनाविरुद्धको भ्याक्सिन उपलब्ध गराउने आश्वासन दिएको मन्त्रालय बतायो ।
टेलिफोन कुराकानीमा मोदीले प्रधानमन्त्री देउवालाई बधाई दिएका थिए । दुई नेताबीच कोरोना महामारीविरुद्ध संयुक्त रुपमा लड्ने विषयमा कुराकानी भएको भारतीय विदेश मन्त्रालयले ट्विटरमार्फत जनाएको छ ।