तीन दिनदेखि बेपत्ता एक किशोरी मृत फेला
काठमाडौँ । सर्लाहीमा तीन दिनदेखि बेपत्ता एक किशोरी मृत अवस्थामा फेला परेकी छन् ।
जिल्लाको लालबन्दी नगरपालिका वडा नम्बर १७, रानीगंज निवासी राजन भुजेलकी १६ बर्षीया छोरी प्रियंकाको शव फेला परेको प्रहरीले जनाएको छ ।
३१ साउनदेखि घरबाट बेपत्ता भएकी उनको शव लालबन्दी नगरपालिका ६ स्थित कालिन्जोर खोलामा फेला परेको सर्लाही प्रहरीका प्रबक्ता एवं डीएसपी माधवप्रसाद बुढाथोकीले जानकारी दिए । शव फेला परेको ठाउँ उनको घरदेखि झण्डै तीन किलोमिटर टाढा छ ।
३१ साउनमा प्रियंका हराएपछि परिवारजनले ३२ साउनमा इलाका प्रहरी कार्यालय लालबन्दीलाई जानकारी गराएको थियो ।