माधव नेपाल समूहबाट यी हुन मन्त्री बन्ने नेताहरु (नामसहित)
काठमाडौं। माधव कुमार नेपाल नेतृत्वको नेकपा समाजवादी पार्टीले आफ्नो पार्टीबाट सरकारमा सहभागी हुने मन्त्रीहरुको नाम टुंगो लगाएको छ ।
नेता नेपालले समाजवादीबाट मन्त्री बन्ने नेताहरुको नाम प्रधानमन्त्री शेरबहादुर देउवालाई बुझाइसकेका छन् । स्रोतका अनुसार विरोध खतिवडा, मेटमणि चौधरी, रामकुमारी झाँक्री, प्रेम आले र जीवनराम श्रेष्ठको नाम मन्त्रीका लागि टुंगो लागेको छ ।
यस्तै भवानी खापुङ र किसान श्रेष्ठमध्ये एकलाई पठाउने तयारी नेकपा एसले गरेको बताइएको छ । सरकारमा जाँदा विरोध खतिवडाले नेतृत्व गर्ने सहमति पनि समाजवादी पार्टीले टुंगो लगाएको छ ।
६ मन्त्रालय समाजवादीको भागमा परेपनि कुनकुन मन्त्रालय पाउने भन्ने टुंगो भने लाग्न सकेको छैन्।