बुटवलबाट क्रान्तिकारी माओवादीका पिविएम प्रेम सुवेदीसहीत ९ जना पक्राउ
बुटवल । एमसीसी खारेजीको नारा लगाउदै बन्द सफल पार्न विहानैदेखि आन्दोलनमा उत्रिएका आन्दोलनकारीहरुमाथि प्रहरीहरुले दमन गरेको छ।
बन्दलाई सफल बनाउनका लागि र बन्दको अवज्ञा विरुद्ध बुटवलका विभिन्न चोकहरुमा आन्दोलनकारीहरुले एमसीसी खारेज गर भन्दै नारा जुलुस लगाएका थिए।
यसैक्रममा बुटवलको बसपार्कबाट नेकपा (क्रान्तिकारी माओवादी)का पिविएम प्रेम सुवेदीसहीत ९ जना आन्दोलनकारीहरलाई प्रहरीले गिरफतार गरेको छ ।
गिरफतार हुनेहरुमा नेकपा (क्रान्तिकारी माओवादी)का पिविएम प्रेम सुवेदीसहीत राजु भुजेल र प्रगति राना, नेकपा(विप्लव)का माधव न्यौपाने, सन्तोष सुवेदी, रामबहादुर थारु र नाथु थारु छन् भने वैज्ञनिक समाजवादीका शशी विक र तुलबहादुर विक रहेका छन् ।गिरफतार सबैलाई इलाका प्रहरी कार्यालय बुटवलमा राखिएको छ ।