प्रचण्ड र माधव नेपाललाई देशभन्दा गठबन्धन सरकार ठूलो                                        

   

 

तर  शेरबहादुर देउवा र प्रचण्डले पत्र लेखेर यही २०७८  फागुन १६ गते ( २८ फेब्रुअरी २०२२ ) सम्मको म्याद मागेकोमा त्यस दिनसम्म राष्ट्रघाति एमिसीसी संझैता पारित नगरेमा नेपालका सत्ताधारीहरु विशेष त: प्रतिक्रियावादी पाँच दलीय गठबन्धनको नेतृत्व गरेका आफ्ना दलालहरु जुन कुनै पनि कार्यवाही गरिने , नेपालसंग ७५ वर्षदेखिको मैत्रीपूर्ण सम्बन्ध बिग्रिने धम्की दिए पछि शेरबाहाादुर देउवा र पुष्पकमल दाहाल प्रचण्ड र माधवकुमार नेपालहरु निकै अत्तालिएर र शेर बहादुर देउवा र प्रचण्ड त राष्ट्रिय सहमति कायम गरौं भन्दै आलोपालो गरेर लाजै पचाउँदै केपी ओलीको निवास बालकोट धाई रहेका थिए ।

 

तर केपी ओलीले माधवकुमार नेपालका १४ सभाषदलाई नहटाएसम्म र सभामुख अग्नि प्रसाद सापकोटालाई महाअभियोग लगाई नहटाएसम्म आफूले सहयोग नगर्ने पुरानै अडान राख्दै आएका थिए ।

 

 

 

तर पछिल्लो अबधिमा पाँच दलीय गठबन्धन भत्काए पछि काँग्रेस र एमालेको सहकार्यमा सरकार सञ्चालन पनि गर्ने र एमसीसी पनि पारित गर्ने संकेत ओलीले शेरबहादुर देउवालाई दिएपछि प्रचण्ड  र माधवकुमार नेपालको होसहवार भयो र उनीहरूले १२ बुँदे नाङ्गो कागजी खोष्टोको :  व्याख्यात्मक पुरक प्रस्ताव ) नाटक मञ्चन गरेर प्रचण्ड र माधवकुमार नेपाल देश र जनतालाई अमेरिकी साम्राज्यवादशीत बेचेर पाँच दलीय गठबन्धन पनि जोगाउने र राष्ट्रघाति एमसीसी पनि पारित गराउन तयार भए र  यही फागुन १५ गते राती  ठिक ८.५७ मा राष्ट्रघाति एमसीसी संझौता संसदबाट बहुमतबाट पारित गराउन सफल भए ।

     

 

 

 

यही १७ गते एक पत्रकार सम्मेलनको आयोजना गरेर प्रचण्डले घोषणा गरे ” एमसीसी संझौता पारित भए पछि गौरवको अनुभूति भएको छ ”  आफ्नो देश अमेरिकी साम्राज्यवादलाई बेच्न पाउँदा गौरवको अनुभूति गर्ने विनालाजको प्रचण्ड र माधवकुमार नेपाल सिक्किमलाई २०३२ सालमा भारतमा विलय गराउने लेन्दुप दोर्जे भन्दा अझै ठूलो र खतर्नाक देशद्रोहीको बिल्ला भिर्न सफल भएका छन् । 

     

 

 

 

नेपाली काँग्रेसको सरकारलाई राष्ट्रघाति एमसीसी संसदबाट  पारित गराउन मुख्य मतियारका रुपमा भूमिका निर्वाह गर्दै आएका प्रचण्ड – माधवकुमार नेपालहरु आज साँच्चिकै लेन्दुप दोर्जे बन्न पुगेका छन् र उनीहरूको इतिहास अब नेपालको राजनीतिक इतिहासमा कालो अक्षरले लेखिनेछ ।

   

 

 

 

हामी क्रान्तिकारी कम्युनिस्टहरुले त नेपालका कम्युनिस्ट आवरण भित्रका नामधारी – नक्कली कम्युनिस्टहरूलाई पहिलेदेखि नै देशीविदेशी प्रतिक्रियावादीहरु गोटी मात्रै होइनन् साम्राज्यवाद तथा विस्तारवादका दलाल हुन् भन्दै आएका थियौं ।

 

 

 

 

तर नेपाली जनता त उनीहरूलाई नै असली कम्युनिस्टहरू हुन् भन्ने बुझाई थियो । यस परिघटनाबाट कम्युनिस्ट ख‍ोल ओ‍ढेका दलालहरुलाई राम्ररी चिन्ने मौका पाएका छन् ।

 

 

 

 

 

     

अब यति भइसके पछि एउटा साँचो कुरा के हो भने देश र जनता भन्दा सत्ता प्यारो ठान्ने देशद्रोही दलालका पछि पछि लागेर जीवन खेर फाल्ने कि  माके भित्र , एकीकृत समाजवादी भित्र र एमाले भित्र पनि हजारौं नेता – कार्यक्रमकर्ताहरु देशभक्त र क्रान्तिकारी मानसिकता भएकाहरुले । अब उनीहरूले उनीहरूका हेडक्वाटरहरुमा बमबार्ड गर्दै विद्रोह गर्ने कि संगसंगै मलखाखमा पुरिने भन्ने प्रश्न खडा भएको छ ।

 

( केसी – वरिष्ठ माक्र्सवादी लेखक र राजनीतिक विश्लेषक हुनुहुन्छ ) ।