एमसीसीको विरोधमा ६ पार्टी र २ मोर्चा सम्वद्ध युवा संगठनहरूको काठमाडौंमा प्रदर्शन
काठमाडौं ।नेकपा (क्रान्तिकारी माओवादी)सहितका ६ पार्टी र २ मोर्चा सम्वद्ध युवा संगठनहरूले अमेरिकी सहयोग परियोजना एमसीसी सम्झौता राष्ट्रघाती भएको भन्दै विरोध प्रदर्शन गरेका छन्।
शनिबार काठमाडौंको माइतीघरदेखि नयाँ बानेश्वरसम्म एमसीसी सम्झौताविरुद्ध उनीहरूले विरोध प्रदर्शन गरेका हुन् । उनीहरूले मुलुकको हितविपरीतको एमसीसीलाई तत्काल खारेज गर्नुपर्ने माग गरेका थिए ।
त्यस्तै अमेरिकाको दादागिरी,धम्कि र नाङ्गो हस्तक्षेपको घोर निन्दा एवम् भत्सना गर्दै देशभक्त,राष्ट्रवादी सबैलाइ संघर्षमा सहभागीताकाे लागि युवाहरूले विशेष आग्रह समेत गरेका थिए।
त्यस्तै सहभागी पार्टीहरूमा नेकपा (क्रान्तिकारी माओवादी) ,नेकपा (विप्लव),नेकपा (मसाल) ,देशभक्त जनगणतान्त्रिक मोर्चा, नेपाल, राष्ट्रिय जनमोर्चा, नेकपा , वैज्ञानिक समाजवादी कम्युनिस्ट पार्टी , नेकपा (माओवादी केन्द्र समाजवादी)लगायत रहेका छन्।