क्रान्ति यात्रा- लोकेन्द्र बिष्ट

– लोकेन्द्र बिष्ट

 

अचेतना, अशिक्षा र अन्यायपूर्ण

 

अन्धकारका साम्राज्यहरूमा

 

सचेतना, सु–शिक्षा र न्यायपूर्ण

 

प्रकाश–रोशनी छर्दै–छर्दै जाने

 

सबल –उज्ज्वल यात्रा हो यो

 

दमन, उत्पीडन र शोषणका

 

काँढेतार, बन्धन र डोलहरू

 

तोड्दै–तोड्दै अघि बढ्ने

 

टुटेका इतिहासका कडीहरू

 

जोड्दै– जोड्दै समग्र युद्ध लड्ने

 

नयाँ युगको महायात्रा

 

लिय, जातीय र क्षेत्रीय

 

अत्याचार, उत्पीडन र ज्यादतिका विरुद्ध

 

स्वतन्त्रता, स्वायत्तता र आत्मनिर्णयका

 

मेजर अप्रेशनहरू चलाउ“दै हिड्ने

 

नवीन विचारयुक्त सृजन यात्रा हो यो ।

 

 

वर्गयुद्धका जटिल र जोखिमपूर्ण मोर्चाहरूमा

 

अन्तरसङ्घर्ष र दुईलाइन सङ्घर्षका

 

घुमघुमाउदार मोड र घुम्तीहरूमा

 

प्रखर र प्रवेगयुक्त भएर भिड्दै विजित बन्ने

 

रक्तरञ्जित विजय यात्रा हो यो ।

 

 

क्रान्तिको मन्त्र जप्दै भ्रान्तिका तुँवाला लगाउनेहरूलाई

 

भाँतीभाँतीका दक्षिणपन्थी, संशोधनवादी

 

र सुधारवादी पण्डाहरूलाई

 

मालेमावादका रापिला डण्डाले दनक लगाउदै

 

क्रान्तिको सुदीर्घ दिशा निर्देश गर्ने

 

 

अचुक क्रान्तियात्रा हो यो ।

 

 

 

वैचारिक कुवाका भ्यागुताहरूलाई

 

बाहिर निकालेर पछार्नसक्ने

 

 

व्यावहारिक जड्ताका सूत्रधारहरूलाई

 

टाउकोमा दुम्सीका प्वा“खले घोचिदिने

 

विकृति र विसङ्गतिका विरूपहरूलाई

 

सांस्कृतिक क्रान्तिको भट्टीमा झोकिदिने

 

प्रतिक्रान्तिका विरासतहरू विनष्ट गर्न

 

 

आफ्नो टाउकोमा आफै आगो लगाउन सक्ने

 

 

साहस र शौर्यको प्रशान्त महासागर हो

 

 

विचार र विधिको नवीन सगरमाथा हो

रक्तबीज हो यो

 

जो रक्त–कणिकाहरूमा जन्मिदै र बढ्दै जान्छ

 

सारा समस्याको हल क्रान्तिमा देख्ने

 

समग्र क्रान्ति यात्रा हो यो ।

 

अग्रगामी युग र इतिहासका

 

गतिवान पाङ्ग्राहरूलाई बलात् रोक्न खोज्ने

 

नवउदीयमान रविका

 

लाल रोशनी र प्रभातीकिरणहरूलाई

 

प्रतिगमनकारी काला पर्दाहरूले छेक्न तम्सिने

 

यस भूमि र जमानाका

 

खलनायक र बुख्या“चाहरूलाई

 

मृत्यु–पत्रहरू बा“ड्दै–बाड्दै हिड्ने

मृत्युपथ पनि हो यो ।

 

 

 

सुन्दर जीवनहरू उजाड्दै हिड्ने

 

सौम्य जगतहरू भत्काउदै डुक्रिने

 

पददलित र दमित–थिचित वर्गका

 

आँशु, रगत र पसीनामा पौडीखेल्ने

 

नरपीडक र परपीडक

 

याङकीका जल्लादहरूलाई

 

जिउ“दै भष्मिभूत पार्ने

 

अजेय अग्निज्वाला हो यो ।

 

 

हाँसोका मुस्कानहरूमा आँशुका बुँदहरू देख्ने

 

आँशुका भेलहरूमा हाँसोका बगैंचाहरू फुलाउने

 

पराजयका पीरहरूमा विजयका वीरहरू जन्माउने

 

प्रतिकूलताका कठिन पहराहरूमा

 

अनुकूलताका आलीशान महलहरू उभ्याउने

 

सर्वहारा वर्गीय स्वार्थ र पक्षधरतामा

 

वेपर्वाह प्राणै अर्पिदिने

 

याङकी हुँडार र दक्षिणी गोमनहरूका लागि

 

पल पलमा ‘मृत्यु धराप’ र ‘गहिरो चिहान’ भइदिने

 

‘आकाश छुन सक्ने’

 

धर्ती चुम्न सक्ने’

 

ब्राम्हाण्ड नै थर्काइदिने

 

महासागर सुकाइदिने

 

मृत्युभित्र जीवन देख्ने

 

निर्मल–कञ्चन छहरा र झरनाझैं बगिरहने

 

क्रान्ति यात्रा हो

क्रान्तिपथ हो ।