देशभरको मौसमको अवस्था कस्तो ?
काठमाडौं। हाल नेपालमा विहारमा रहेको न्यून चापीय प्रणालीको सामान्य प्रभाव रहेको छ।
आज मंगलबार बिहान देशका पहाडी भूभागमा आंशिक बदली रहेको छ । त्यस्तै, बाँकी तराइका केही भूभागमा भने हुसु र कुहिरो रहेको मौसम पूर्वानुमान महाशाखाले जनाएको छ।
मंगलबार दिउँसो भने प्रदेश १ मा आंशिकदेखि सामान्य बदली हुनेछ । त्यस्तै, बाँकी प्रदेशहरूमा भने आंशिक बदलीदेखि मौसम सामान्यतया सफा रहनेछ।
त्यस्तै, प्रदेश १ को पहाडी भूभागका केही स्थानमा हल्का वर्षाको सम्भावना रहेको छ। त्यस्तै, प्रदेश १, बागमती प्रदेश र गण्डकी प्रदेशका उच्च पहाडी भूभागका केही स्थानमा हल्का हिमपातको समेत सम्भावना रहेको छ ।
मंगलबार राति भने प्रदेश १ मा आंशिकदेखि सामान्य बदली हुनेछ । त्यस्तै, बाँकी प्रदेशहरूमा आंशिक बदलीदेखि मौसम सामान्यतया सफा रहनेछ।
त्यस्तै, प्रदेश १ को उच्च पहाडी तथा हिमाली भूभागका केही स्थानमा हल्का हिमपातको समेत सम्भावना भएको महाशाखाले जनाएको छ ।